O goberno municipal de Tui traballa para solucionar as carencias que na actualidade presentan as dependencias que acollerán o comedor do CEIP nº2 de Tui na antiga casa do conserxe deste centro.  A gran demanda deste servizo que presta este centro educativo fixo que se plantéxase un novo emprazamento cara un lugar con maior capacidade.

O goberno municipal de Tui, presidido por Carlos Vázquez Padín, está traballando para actualizar o mercado semanal que se celebra os xoves na cidade en varios ámbitos. Por unha dende mañá xoves dase un prazo dun mes aos vendedores ambulantes para pórse ao día no pago das taxas atrasadas. Precisamente mañá aqueles que teñan pendente de pago algún recibo recibirán unha notificación coa cantidade adebedada, que deberán facer efectica no prazo de 30 días, en caso contrario non poderán volver montar o seu posto no mercado.

Mañá xoves, 8 de febreiro, ás 12.00 horas españolas, no anfiteatro da Escola Superior de Ciencias Empresarias de Valença, terá lugar a presentación do Calendario Deportivo da Eurocidade, que neste ano 2018, albergará máis de trinta eventos deportivos, de ata dezanove modalidades deportivas.

A Oficina de Rehabilitación do Concello de Tui informa sobre as axudas do  programa Bono de Alugueiro Social da Consellería de Infraestruturas e Vivenda da Xunta de Galicia que veñen de ser publicadas no DOGA. Estas axudas van destinadas a atender, con carácter urxente, ás persoas que sufriron desafiuzamento, vítimas da violencia machista, beneficiarios do Programa Aluga que se lles rematara esta axuda, ou aqueles que incorren en circunstancias de emerxencia social.

Tui contará nos próximos meses novamente coa Agrupación de Voluntarios de Protección Civil. O pasado xoves en pleno foi aprobada a reactivación deste colectivo que leva varios anos sen actividade. Nestes momentos está aberto o prazo de inscrición para novos voluntarios para a posterior celebración dunha asemblea da agrupación na que se regularice a situación dos seus membros e se elixa unha nova xunta directiva.

Mañá xoves, 1 de febreiro, ás 19h será inaugurada na Sala de Exposicións Municipal, na Área Panorámica, a exposición «Auga, o sangue da terra» de Manuel Valcárcel que chega a Tui grazas ao convenio de colaboración cultural asinado entre o Concello de Tui, Abanca e Afundación. 
 

Tui mantén a súa aposta por unha programación estable, de calidade, profesional, atractiva… que ten convertido á cidade nun lugar de referencia cultural a nivel galego e do norte de Portugal. Esta mañá deuse a coñecer a oferta que o público poderá disfrutar no Teatro Municipal nos meses de febreiro e marzo, xunto a outros eventos que até maio se van celebrar no municipio.

Mañá venres, 26 de xaneiro, ás 11h no vestíbulo da Área Panorámica de Tui será presentada a programación cultural que se vai desenvolver na cidade entre os meses de febreiro e maio e que vén recollida na 35ª edición da axenda “Corredoira Cultural”.

O Teatro Municipal de Tui acollerá este venres, 26 de xaneiro, ás 20.30h unha gala homenaxe ao mestre Antón Corral, figura clave da música tradicional galega, organizada polo Concello. Este evento foi presentado esta mañá, na casa do concello, por parte do alcalde de Tui, Carlos Vázquez Padín, o fillo de Antón Corral, Suso Corral, e a autora da biografía de Antón Corral, Fina Fernández.

A corporación municipal de Tui celebrará este xoves, 25 de xaneiro, ás 20h pleno de carácter ordinario con 12 puntos na orde do día. 

A)Parte resolutiva:

1º.- Aprobación, se procede, de borrador da acta da sesión anterior ordinaria nº 14, de 28 de decembro de 2017.

2º.- Toma de razón de escrito de renuncia de concelleiro José Rodríguez Romero (RE 11821 de 29/12/2017), e que se remita á Xunta Electoral Central para a remisión da credencial do correspondente concelleiro electo de lista que corresponda (José Prada Alvarez ).