Tui pon en marcha un sistema innovador de pagos ao través de código QR
Xoves, 16 de outubro de 2014. Dende este luns os recibos municipais do Concello de Tui pódense pagar ao través dun código QR impreso no propio recibo. Ao escanear o código cun teléfono móbil ou tableta se accede directamente á pasarela de pago onde se debe introducir os datos da tarxeta coa que se desexa aboar o importe e opcionalmente un correo electrónico para recibir o xustificante de pago do recibo. Así o explicaron esta mañá na presentación deste sistema o alcalde de Tui, Moisés Rodríguez, e Joaquín Alonso, da empresa eteris, acompañados polos concelleiros Vanesa Rodríguez e José Ángel Villaverdes, e pola tesoureira municipal.
O alcalde de Tui, Moisés Rodríguez, salientou que este é un proxecto pioneiro co que se busca seguir mellorando a atención que se presta ao cidadán, ao tempo que destacaba que tamén se manterá o sistema de pagamento tradicional que se viña empregando até o de agora. Mentres Joaquín Alonso de eteris sinalou a implantación do pago ao través do código QR xurde ante o maior uso que cada vez se fai dos dispositivos móbiles, ao tempo que se potencia a Lei de acceso electrónico de forma real e efectiva.
O Concello de Tui coa implantación deste innovador modelo de pago convértese en referencia tanto a nivel galego coma español. Técnicos municipais teñen colaborado ao longo dos últimos anos nun sistema de información recadatorio que se foi implantando de xeito modular. O resultado é un sistema rápido, eficaz, potente e innovador que ten aumentando de xeito efecto a calidade de xestión cara ao cidadán.
O sistema de pago ao través do código QR pódese empregar tanto para o abono de impostos ou taxas municipais, de licenzas de obra, matrícula no conservatorio... Deste xeito o cidadá evita desprazamentos xa que pode aboar o importe ao través do seu teléfono móbil ou tableta con acceso a internet de xeito cómodo, práctico e doado. O xustificando da operación é recibido polo usuario en tempo real no seu correo electrónico.
A empresa etensis foi a encarga de desenvolver este sistema que se vén de pór en marcha no Concello de Tui.