Trompicallo presenta “Osiño” mañá venres ás 20h no Teatro Municipal
Xoves, 18 de novembro de 2014. "Osiño" é o título da obra que a compañía Trompicallo presenta este venres, 19 de decembro, ás 20h no Teatro Municipal de Tui. Trátase dun espectáculo de monicreques dirixido a público familiar cunha duración de 50 minutos.
A obra foi escrita por Luís González, Sabela Amado, Marián González e Kevin Stewart contando con música de Ignacio Sanz. A dirección corresponde a Kewin Stewart e os manipuladores dos monicreques son Sabela Amado, Marián González e Luís González.
"Osiño" achéganos ata a historia dun pequeno oso que vive na fraga coa súa nai. O paso das estacións vai transformando o seu entorno dende o frío inverno no que Osiño aprende coma non pasar frío, a primavera onde o seu avó lle conta o seu conto favorito, o verán con longos paseos nocturnos e o outono co cumpreanos do protagonista.
As entradas están á venda, ao prezo de 3,5€ e 2,5€, ata o venres ás 13h na web http://www.culturatui.info/ ou o venres dende ás 18.30h no despacho de billetes na Área Panorámica.
Trompicallo con "Osiño"
Lugar: Teatro Municipal de Tui
Data: Venres, 19 de decembro, ás 20h
Recomendada: público familiar
Duración: 50 minutos
Venda de entradas: en http://www.culturatui.info/ ata o venres ás 13h ou o venres dende ás 18.30h no despacho de billetes ao prezo de 3,5€ e 2,5€.