A Gramola Gominola repasa os seus éxitos este venres en Tui
O concerto comezará ás 19 h no Teatro Municipal
A música encherá este venres, ás 19h, o Teatro Municipal de Tui con A Gramola Gominola interpretando os éxitos máis destacados da súa carreira en “As que máis molan da Gramola”.
A Gramola Gominola naceu en 2015. Está formada por Paco Cerdeira, Paula Romero, Anxelo de Xermar e Rodrigo Muñoz. En 2018 recibiron o Premio Martin Códax da Música 2018 ao mellor grupo de música infantil.
Contan con tres libros-discos A Gramola Gominola (2015), Cancións para desafinar (2017) e Bravas.O rexurdir da luz (2019).
Este venres interpretarán boa parte dos éxitos rockeiros que farán cantar e bailar ao público. As entradas están á venda en tui.gal aos prezos de 5€ e 3,5€.
Con este concerto ábrese a programación de marzo no Teatro Municipal que continuará o próximo venres 9 ás 21 h coa proxección de “O corno” de Jaione Camborda, e o venres 16 ás 21 h coa intepretación de “Síbaris” por Con de Tres Pés.