Concerto “De Bach a Jazz” mañá no Conservatorio de Música de Tui
17/03/2015
Martes, 17 de marzo de 2015. O salón de actos do Conservatorio de Música Profesional de Tui acollerá mañá mércores, 18 de marzo, ás 20.30h o concerto "De Bach a Jazz". No mesmo van participar alumnos do Conservatorio Superior de música de Vigo, do Conservatorio Profesional de Música de Tui e da Escola de Música Municipal de Tui.
Este concerto "De Bach a Jazz" é un proxecto da pianista Rasa Biveiniene, profesora do Conservatorio Superior de Música de Vigo, no que se combinan as composicións do famoso compositor barroco coa música Jazz.
A entrada para o concerto é gratuíta ata completar o aforamento.