Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Até o venres 24 de maio aberto o prazo de matrícula para as probas de acceso a 1º de Grao Elemental no Conservatorio de Tui

Undefined

Até o próximo venres, 24 de maio, está aberto o prazo de matrícula nas probas de acceso a 1º de Grao Elemental no Conservatorio de Tui para o próximo curso 2024/25. As probas terán lugar o luns 10 e martes 11 de xuño nas instalación do Conservatorio Profesional de Música de Tui, na Avenida da Concordia.  Van dirixidas a nenos e nenas con idades entre os 8 e os 14 anos. Realizarase unha proba de aptitude na que se valorará o sentido do ritmo, psicomotricidade e capacidade auditiva e vogal, non sendo preciso que teñan coñecementos musicais previos.

Marga do Val ofrecerá o martes unha conferencia sobre Luisa Villalta, homenaxeada no Día das Letras Galega 2024

Undefined

O próximo martes, 14 de maio, ás 19.00 h, a escritora Marga do Val pronunciará na Biblioteca Municipal de Tui unha conferencia titulada “Luisa Villalta, devir comunidade” dedicada á figura de Luisa Villalta a quen se lle dedica neste ano o Día das Letras Galegas.

Abre a exposición “Brontë, Shakespeare y otros frikis: Clásicos que has leído sin saber que eran fantásticos” na Biblioteca Municipal

Undefined

Avanzando na programación de “Tui en Letras 2024” a Biblioteca Municipal de Tui acolle ata o vindeiro 8 de xuño a exposición itinerante “Brontë, Shakespeare y otros frikis: Clásicos que has leído sin saber que eran fantásticos”. Esta mostra pódese visitar na zona Anexo da Sala Municipal de Exposicións do Concello de Tui (Edificio “Francisco Sánchez”).

“Maxia tola e lectora” na Biblioteca Municipal de Tui con Leo Leiño

Undefined

Continuando coa programación de “Tui en letras 2024” que oferta máis dunha ducia de actividades en torno ao libro e a lectura na Biblioteca Municipal tudense ao longo do mes de maio, este martes 7 de maio ás 18.00 horas teremos un novo espectáculo titulado “Maxia tola e lectora” que estará a cargo de “Leo Leiño”.

Os cativos e cativas da Escola Infantil A Galiña Azul visitan a Biblioteca Municipal

Undefined

Ao longo desta semana os nenos e nenas da Escola infantil “A Galiña azul” de Tui visitan a Biblioteca Pública Municipal tudense para coñecer as súas instalacións e servizos así como participar na lectura de varios contos por parte do persoal da biblioteca. Esta actividade discorre ao longo desta semana e dos primeiros días da vindeira.

Presentación da 20ª edición de Play Doc

Undefined

Mañá xoves, 25 de abril, ás 12 h no edificio Francisco Sánchez terá lugar a presentación da 20ª edición de Play Doc, o Festival Internacional de Cine de Tui.

Na presentación participarán o alcalde, Enrique Cabaleiro, o presidente da Deputación de Pontevedra, Luis López, o director da AGADIC, Jacobo Sutil, o guionista, escritor e produtor, Pepe Coira, e o codirector do festival, Ángel Sánchez.

Play Doc celebrarase do 1 ao 5 de maio en Tui.

Xa está aberta na praza da Inmaculada a “Casa dos Libros Orfos”

Undefined

Dende onte, 23 de abril, Día do Libro, está en funcionamento, nun dos quioscos da céntrica Praza da Inmaculada,  a “Casa dos libros orfos”, unha iniciativa da Biblioteca Municipal tudense. No antigo quiosco a Biblioteca tudense depositou un amplo conxunto de libros repetidos ou descatalogados que pon ao dispor da cidadanía que pode collelos en calquera momento para gozar dun rato de lectura na propia Praza ou levalo á casa, e mesmo quedarse con el coa única condición de deixar outro no seu lugar.

Páxinas

Subscribirse a RSS - Cultura