|
A cidade de Tui foi, dende os inicios da súa historia, un lugar estratéxico de comunicacións; por Tui discurría a via XIX construida en tempos do romanos para comunicar Braga e Astorga, por esta mesma ruta séculos despois realizaban a súa viaxe, e ainfa hoxe continúan, os peregríns que se achegan ata Santiago de Compostela ao encontro do apostolo Santiago. O noso porto fluvial foi ao longo dos tempos medievais lugar de comercio e dende alí os navegantes espallaron por todo o mundo a devoción ao noso patrón, San Telmo.
Hoxe nos albores dun novo século as vías de comunicación xa non discurren únicamente polos camiños tradicionais, novos vieiros, ao abeiro das novas tecnoloxías da información e a comunicación, xorden como canles alternativas. Especialmente a internet resulta na actualidade requerimento imprescindible para unha comunicación axeitada, tanto para a difusión dos recursos culturais, turístico e de todo tipo que posue o noso municipio, como para facilitarlle aos nosos cidadáns unha relación o máis fluida posible e unha comunicación eficaz sobre a actividade municipal.
Nesta páxina web do Concello de Tui á que como Alcalde de Tui doullela benvida agradamos que os cidadáns tudenses atopen unha eficaz ferramenta na súa relación co Concello e unha axeitada canle de participación e acceso aos servizos municipais. Estou certo que deste xeito contribuimos á democratización e ao fomento da participación cidadá na vida municipal.
Pero esta páxina é tamén un instrumento útil para cantos queran achegarse ao coñecemento desta cidade bimilenaria, dos seus recursos, da súa ofera turística, das súa actividade… Esta páxina pretende ser un espazo de información que ofreza aos nosos visitantes un convite para achegarse a coñecer e disfrutar da nosa cidade e da súa tradicional hospitalidade.
Para todos a nosa benvida. Tanto para os tudenses, pois a través desta páxina agardamos recoller as súas iniciativas e propostas así como lles trasladar o noso traballo polo progreso de Tui, como para todos os internautas confiando que a visita a este espazo virtual os anime a realizar axiña unha estadia na nosa cidade.
|
