Notice: Undefined variable: lblNoticiaLeida in /var/www/vhost/concellotui.org/home/html/include/funcionesNoticias2.php on line 183
Concello de Tui
Buscador Concello de Tui Usuario: Contrasinal: Rexistrarme
   

Concello de Tui
Departamentos
Outros

A Sala de Exposicións Municipal acolle mañá unha xornada de maxia solidaria
Data: 17-02-2016- 18:33 h.
941 veces
NOVA

Será ás 19.30h con aforo para 100 persoas. A entrada terá un prezo de 3€.

 

Mañá xoves, 18 de febreiro, a Sala de Exposicións Municipal, na Área Panorámica, acolle  a actuación do mago Paco González e a presentación do documental ‘’Un lugar llamado la Moskitia’’. Trátase dun espectáculo de maxia familiar dirixido tanto a adultos como a nenos e nenas maiores de 4 anos. Esta actuación forma parte da I Xornada de Maxia Solidaria organizada polos Misioneiros Seglares Vicencianos, MISEVI.

A entrada terá un custe de 3 euros por persoa e o aforo está limitado a 100 prazas. Tamén están dispoñibles entradas ‘’Fila 0’’. A recadación destinarase aos proxectos solidarios presentados no documental ‘’Un lugar llamado la Moskitia’’.

O mago Paco González comprobou a situación das persoas que viven na selva da Moskitia (Honduras) e o traballo alí desenvolvido por un grupo de persoas da ONG MISEVI. Sensibilizado cos proxectos solidarios, tomou a decisión de colaborar para recadar fondos para o mantemento dos proxectos educativos, sanitarios e sociais.

Esta I Xornada de Maxia Solidaria proseguirá o venres con actuacións en dous locais en Tui. Será ás 20.30 no Cafe Museu e ás 23.30h no White Clover.

  Concello de Tui (Praza do Concello, 1) 36700 TUI - Tfno.: 986.603625