Notice: Undefined variable: lblNoticiaLeida in /var/www/vhost/concellotui.org/home/html/include/funcionesNoticias2.php on line 183 Concello de Tui
Buscador Concello de Tui Usuario: Contrasinal: Rexistrarme
   

Concello de Tui
Departamentos
Outros

Tui contará con catro bolseiros do Plan de Práctica Laboral da Deputación de Pontevedra
Data: 21-01-2016- 16:38 h.
615 veces
NOVA

O concello de Tui contará este ano con 4 bolseiros ao abeiro do Plan de Práctica Laboral da Deputación de Pontevedra. As persoas interesadas, que non deben ter experiencia laboral previa na profesión ou área de coñecementos, teñen ata o 8 de febreiro para presentar a súa solicitude. En concreto, en Tui ofértanse catro bolsas para un licenciado ou graduado en xornalismo; un diplomado en Biblioteconomía e Documentación ou graduado en Información e Documentación, un diplomado ou graduado en Turismo, e un técnico do Ciclo Superior en Produción de Audiovisuais e Espectáculos.

A Deputación de Pontevedra publicou o pasado martes, 19 de xaneiro, no Boletín Oficial da Provincia as bases completas desta convocatoria.  Os interesados en acceder a estas bolsas débense preinscribir na páxina web da Deputación de Pontevedra, www.depo.es. A continuación deberán presentar o xustificante electrónico xerado durante o proceso de preinscrición no Rexistro xeral da institución provincial, xunto á documentación requirida

O prazo de presentación de solicitudes é de vinte días naturais, contados a partir do día seguinte ao da publicación desta convocatoria no BOPPO, que foi o pasado martes. O proceso de selección desenvolverase en dúas fases. A primeira, de concurso e valoración da documentación presentada polas persoas admitidas e, a segunda, de realización dunha proba tipo test sobre o contido do programa. As bolsas terán unha duración de 6 meses e poderán prorrogarse por outros 6 meses.

  Concello de Tui (Praza do Concello, 1) 36700 TUI - Tfno.: 986.603625