Notice: Undefined variable: lblNoticiaLeida in /var/www/vhost/concellotui.org/home/html/include/funcionesNoticias2.php on line 183 Concello de Tui
Buscador Concello de Tui Usuario: Contrasinal: Rexistrarme
   

Concello de Tui
Departamentos
Outros

Exposición "Entre moleculas, ano internacional da química" na Biblioteca Municipal
Data: 25-01-2012- 10:35 h.
610 veces
NOVA

A BIBLIOTECA MUNICIPAL PRESENTA A EXPOSICIÓN “ENTRE MOLECULAS, ANO INTERNACIONAL DA QUIMICA 2011”

 

A Biblioteca Pública Municipal de Tui ofrece no Anexo da Sala Municipal de Exposicións a mostra de carácter didáctico “Entre moléculas” creada polo Consejo Superior de Investigaciones Científicas (CSIC), en colaboración coa Fundación Española para la Ciencia y la Tecnologia para conmemorar a celebración no ano 2011 do Ano Internacional da Química.

A exposición “Entre moléculas. Ano Internacional da Química 2011. CSIC” ofrece unha visión amena, divulgativa e didáctica da Química. A mostra está dirixida a toda a poboación, con especial atención aos estudantes dos distintos ciclos educativos de secundaria. Está composta por 22 paneis que introducen ao visitante no papel central da Química e as súas achegas á humanidade

O contido da exposición ofrece unha primeira visión xeral da química e o seu papel central na ciencia, seguida dun repaso breve das principais achegas realizadas ao longo da historia. Nun terceiro bloque, penétrase na química en relación con grandes campos como o medio ambiente, a saúde, a enerxía e a alimentación, póndoos en relación coa investigación desenvolvida nos laboratorios españois.

Para a concelleira de cultura do Concello de Tui, Vanesa Rodríguez Pereira, con esta nova actividade a Biblioteca Municipal pretende fomentar o coñecemento da cultura científica entre os seus usuarios e entre a poboación tudense en xeral.

A exposición estará aberta ao público durante ata finais do mes de febreiro.

 

  Concello de Tui (Praza do Concello, 1) 36700 TUI - Tfno.: 986.603625