Notice: Undefined variable: lblNoticiaLeida in /var/www/vhost/concellotui.org/home/html/include/funcionesNoticias2.php on line 183
Concello de Tui
Buscador Concello de Tui Usuario: Contrasinal: Rexistrarme
   

Concello de Tui
Departamentos
Outros

Talía Teatro presenta “Pelos na lingua”
Data: 17-11-2011- 08:07 h.
701 veces
NOVA

O Teatro Municipal de Tui acolle este venres, ás 21.30h, a representación da comedia “Pelos na lingua” da man de Talía Teatro. A obra recomendada para público xuvenil e adulto está dirixida por Avelino González e interpretada por María Ordóñez, Toño Casais e Artur Trillo.

Unha comedia, que dalgún xeito, podería considerarse a segunda parte de Bicos con lingua. Pero non se trata dunha segunda parte como unha continuación da liña argumental, senón que se está a traballar o mesmo tema coa mesma estrutura, aínda que desta vez tratando de darlle un enfoque distinto. Na creación deste espectáculo traballaron distintos autores e autoras galegas. O resultado é unha obra estruturada en sketches que fala dos usos e abusos que sofre a lingua galega.

“Pelos na lingua” é un espectáculo áxil, dinámico e fresco. Segundo explica a compañía vai dirixido a todo o mundo aos galego falantes, aos que non o son, aos que queren selo pero non se atreven, aos que si queren selo e tomaron esa determinación, aos que non o falan porque non o saben falar ben, aos que lles dá igual que se fale ou non o galego, aos que pensan que o galego é a lingua que debería falar todo o mundo, ... a todos e todas.

As entradas para esta representación está xa á venda na web www.culturatui.info ata o venres ás 13h e o venres dende ás 20h no despacho de billetes, ao prezo de 5€ e 3€.

 

Talía Teatro con “Pelos na lingua”

Data: Venres 18, ás 21.30h

Lugar: Teatro Municipal

Entradas á venda na web www.culturatui.info ata o venres 13h ou o venres dende ás 20h no despacho de billetes ao prezo de 5€ e 3€.

  Concello de Tui (Praza do Concello, 1) 36700 TUI - Tfno.: 986.603625