Hoxe ás 17.30h presentación do Curso de Monitor de Fútbol Sala en Tui
30/04/2018
Hoxe luns, 30 de abril, ás 17.30 horas, na sala de concelleiros do Concello de Tui, terá lugar a presentación do Curso de Monitor de Fútbol Sala, que a Federación Galega de Fútbol organizará en Tui, os meses de maio e xuño, coa colaboración do Concello de Tui e os clubs deportivos de fútbol sala de Tui, A Quinta de Tui FS e o Club Deportivo Tui FS.
Neste acto estarán presentes o concelleiro de deportes de Tui, Andrés Urseira, o director da escola galega de adestradores da Federación Galega de Fútbol, Manuel Mosquera, o presidente do club A Quinta de Tui FS, Roberto Carlos Vila e o presidente do Club Deportivo Tui FS, Juan Novás.